Se tkun possibbli li ssir reġistrazzjoni uffiċjali t’isem b’tipa Maltija

Aġġornament, l-4 ta’ Mejju 2020
    L-Akkademja tal-Malti hija sodisfatta bl-istqarrija uffiċjali li għadu kemm ħareġ is-Segretarju Parlamentari Alex Muscat rigward it-talba pubblika li għamilna ftit tal-jiem ilu dwar ir-reġistrazzjoni tal-ismijiet bil-Malti fir-Reġistru Pubbliku. L-istqarrija tgħid li “dawk il-ġenituri li jkunu jixtiequ jirreġistraw l-isem tat-tarbija tagħhom bit-tipa Maltija, kif ukoll dawk li jixtiequ jagħmlu korrezzjoni minuri għal isimhom, se jkunu jistgħu jagħmlu dan fil-ġimgħat li ġejjin.” Nistennew u nilqgħu b’sodisfazzjon din il-bidla.

    Agħfas hawn biex taqra l-istqarrija mis-Segretarjat Parlamentari għaċ-Ċittadinzanza u Komunitajiet.

     

    L-ISTQARRIJA GĦALL-ISTAMPA MILL-AKKADEMJA TAL-MALTI

    L-Akkademja tal-Malti qrat l-aħbar li l-ġenituri  li jagħżlu li jsemmu lil uliedhom b’isem Malti qed ikollhom jirreġistrawh ħażin għax ir-Reġistru Pubbliku għad m’għandux sistema moderna li biha l-ismijiet tat-tfal ikunu jistgħu jinkitbu bl-ittri tal-Malti li ma jinstabux fl-alfabett Ingliż. Dan l-ilment ġenwin mhux l-ewwel darba li sar u li ssemma fl-aħbarijiet.

    L-Akkademja  tfakkar li l-alfabett uffiċjali tal-Malti ġie rikonoxxut mill-Gvern 86 sena ilu. B’xorti ħażina r-Reġistru Pubbliku baqa’ m’aġġornax ruħu f’dan ir-rigward, minkejja li fl-aħħar snin tħabbar li dan kien se jsir.

    Għaldaqstant l-Akkademja titlob lis-Segretarju Parlamentari l-Onor. Alex Muscat, responsabbli mir-Reġistru Pubbliku, biex jieħu passi minnufih ħalli din il-problema tissolva mill-aktar fis possibbli għall-ġid tal-ġenituri u f’ġieħ l-ilsien nazzjonali.


     

2 thoughts on “Se tkun possibbli li ssir reġistrazzjoni uffiċjali t’isem b’tipa Maltija

  1. Pass kbir il-quddiem li r-registrazzjoni tat-tfal taghna ssir bil-Malti. Akkwist iehor favur art twelidna. Grazzi lilkom ilkoll.

    B’Imhabba:

    mario

    Liked by 1 person

  2. Prosit ta’ din l-istqarrija Joe. Imma issa ma niqfux hawn! Jekk tassew iridu li l-affarijiet jitranġaw hemm bżonn li l-Akkademja segwiha. KULL XAHAR (mill-inqas) trid tibqa’ tikteb lil min hu kkonċernat biex tara l-biċċa fejn waslet u tibqa’ tissikka u ssus warajhom sa ma jkollhom it-tastiera Maltija. Stqarrija bħal din hija tajba ħafna, imma jekk nieqaf hawn ikun kollu ta’ xejn. Tislijiet mill-qalb, Trev

    On Sat, 2 May 2020, 10:56 am L-Akkademja tal-Malti, wrote:

    > L-Akkademja tal-Malti posted: “STQARRIJA GĦALL-ISTAMPA L-Akkademja > tal-Malti qrat l-aħbar li l-ġenituri li jagħżlu li jsemmu lil uliedhom > b’isem Malti qed ikollhom jirreġistrawh ħażin għax ir-Reġistru Pubbliku > għad m’għandux sistema moderna li biha l-ismijiet tat-tfal ikunu jistgħu j” >

    Liked by 1 person

Ħalli kumment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.