GRAZZI KBIRA lil Achille Mizzi għall-omaġġ tiegħu lill-poetessa Doreen Micallef u għall-promozzjoni tal-ktieb Doreen Micallef – il-poeżiji – il-konferenza editjat minn Victor Fenech.

Fl-episodju tal-bieraħ ta’ ‘Xi qrajt dan l-aħħar?’ iltqajna mal-poeta Achille Mizzi li kellimna dwar ‘Doreen Micallef – Il-Poeżiji u l-Konferenza’ – pubblikazzjoni ta’ żewġ volumi fuq inizjattiva tal-Akkademja tal-Malti (ed. Victor Fenech, ippubblikata minn Klabb Kotba Maltin) li tiġbor fiha għadd ta’ poeżiji li dehru fit-tliet ġabriet personali tagħha, antoloġiji u rivisti; xi xogħlijiet oħra tagħha li qatt ma ġew ippubblikati qabel kif ukoll numru ta’ studji li kienu ġew ippreżentati waqt konferenza li ġiet organizzata fl-2011 minn Immanuel Mifsud.