B’omaġġ lil DOREEN MICALLEF mill-Akkademja tal-Malti

Doreen MicallefL-Akkademja tal-Malti, li s-sede  tagħha hu “Dar Doreen Micallef” fil-qalba tal-Belt, qed tagħti ġieħ lil din il-poeta kumplessa bil-ħarġa ta’ żewġ kotba dedikati għaliha. Dan hu proġett li ilu jinħadem ħmistax-il xahar u issa se jkun għall-bejgħ waqt il-Bookfest ta’ din is-sena. L-ewwel ktieb jikkonsisti minn għadd kbir ta’ poeżiji mir-repertorju sostanzjali tal-poeta, fosthom uħud li qed jidhru għall-ewwel darba, bħall-poeżija twila Psike li tista’ titqies bħala s-‘selfie’ poetiku tagħha. It-tieni ktieb jiġbor it-testi kollha li kienu nqraw minn diversi kritiċi u akkademiċi waqt konferenza dwarha fl-għaxar sena minn mewtha organizzata minn Dr Immanuel Mifsud.
Skont il-Professur Peter Serracino Inglott “Fil-poeżija ta’ Doreen Micallef teżisti proġettazzjoni interessanti ta’ bosta kunċetti preċiżi jew mera ċara ta’ ruħ il-poetessa”, waqt li l-Profesur Oliver Friggieri itenni li “Micallef tippreżenta l-kriżi tat-twemmin, bla ma tasal tagħżel bejn twemmin f’Alla u twemmin fil-bniedem… L-intimiżmu tagħha jitlaħħam  fi lsien minnu nnifsu ripetittiv, ritwalistiku, litaniku … L-għadab hu rassenjat u l-kalma hi kemm kemm ironika daqskemm hi wkoll provokatorja.”

3 Replies to “B’omaġġ lil DOREEN MICALLEF mill-Akkademja tal-Malti”

  1. Niżżikom ħajr tat-tagħrif dwar il-ġieħ mistħoqq illi l-Akkademja tal-Malti qed tagħti lil din il-poetessa ħassieba Beltija, li għad li kienet ostakolata mill-kundizzjoni evidenti tagħha, qatt ma qatgħet taħseb u tħoss, intelletwalment.

    B’Imħabba:

    mario

    Like

  2. Prosit kbira lill-Akkademja u lil Victor Fenech flimkien ma’ Dr. Immanuel Mifsud li kienu fit-tmun ta’ dan il-proġett li jiċċelebra poetessa hekk kbira u rikka fil-wirt letterarju li ħalliet u li se jkun jista’ jitgawda minn kulħadd. Huwa ta’ unur għalija, flimkien ma’ għadd sabiħ ta’ kritiċi oħra, li kelli x-xorti nippreżenta r-riċerka tiegħi waqt il-konferenza f’għeluq l-għaxar snin minn mewt Doreen Micallef.

    Sliem,

    Olivia.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.